VOV4.Êđê -  Aguah mbrue (19/4), ti Hà Nội, Sang êa drao kahan gưl dlông 108 mkŏ mjing leh kdrăm k’ah bi hdơr 70 thŭn hrue knhuah gru lehanăn drông mă anăn knăl jhŏng ktang hlăm bruă knuă. Nao gĭt gai Đảng Nguyễn Phú Trọng, mbĭt hŏng jih jang phung khua êmua dŭm phŭn dhar bruă hlăm gưl dlông. Bi ala kơ phung khua kiă kriê Đảng, lehanăn knŭk kna ñu mđup brei leh anăn knăl Jhŏng ktang hlăm bruă knuă kơ Sang êa drao kahan gưl dlông 108, K’iăng khua knŭk kna Vũ Đức Đam čih pioh: Amâo mâo djŏ knŏng kjăp hlăm bruă knuă, sang êa drao lŏ jing leh anôk năng myưng m’ang êdi kơ klei mlih mrâo hlăm bruă kiă kriê.

Jing sa boh sang êa drao kahan, ƀiădah amâo mâo djŏ knŏng hlăm bruă mdrao mgŭn, ksiêm duah, mjuăt bi hriăm kơ bruă êa drao kơ lĭng kahan đuič ôh, ƀiădah lŏ dơ̆ng dưn yua jih klei găl pô mâo mkă dlăng mdrao mgŭn, răng kriê klei suaih pral kơ phung ƀuôn sang, đru lŏ bi êdah ai tiê klei khăp lĭng kahan, lehanăn klei thâo mbruă mơ̆ng lĭng kahan. Mtă kơ sang êa drao lŏ dơ̆ng bi kjăp êpul knuă druh hlăm bruă kđi čar, mâo klei bi hmô kơ knhuah hdĭp, mbruă hlăm klei mdrao mgŭn, năng jing lĭng kahan awa Hô, lehanăn jing nai aê mdrao msĕ si amĭ ênang./.

Y Khem pô mblang