VOV4.Êđê - Adŭ bruă Đảng gưl dlông mrâo mkŏ mjing klei bi kƀĭn mă klei blŭ phung bi ala anôk ngă bruă, kơ phung amra mgơ̆ng ruah pô bi ala Quốc hội gưl 15. Hlue hŏng hdră trực tuyến mâo mkŏ hlăm 3 anôk: Hà Nội, ƀuôn prŏng Hồ Chí Minh, lehanăn Đà Nẵng, ti anôk bi kƀĭn mâo leh klei bi tŭ ư kơ 5 čô ba mgơ̆ng jing phung mâo leh klei mjuăt bi hriăm kjăp, đĭ hriê kơ prŏng mơ̆ng nah gŭ, lehanăn mâo găn leh hlăm lu bruă sĭt, tuôm păn leh lu bruă yuôm bhăn, mâo knhuah dôk dơ̆ng ƀơ̆ng huă jăk, kjăp hlăm bruă kđi čar, mỗ klei thâo hlăm bruă knuă, lehanăn klei dưi ngă bruă. Diñu jing leh phung thâo bi hmô, jih ai tiê kơ bruă mbĭt, jĕ giăm lehanăn mđing hmư̆ klei blư mơ̆ng ƀuôn sang, kyua phung ƀuôn sang mă bruă, kjăp leh hlăm bruă Quốc hội. Boh nik, Khua gĭt gai Đảng, Khua lăn čar Nguyễn Phú Trọng mâo nanao gru bi hmô jăk kơ klei thâo mĭn, kơ klei jhŏng, kơ knhuah dôk dơ̆ng ƀơ̆ng huă mngač, mjing leh klei đăo knang kjăp kơ kluôm Đảng, jih jang phung ƀuôn sang, lehanăn lĭng kahan./.

Y Khem pô mblang