VOV4.Êđê - Khua knŭk kna mrâo mâo hdră mtrŭn mrô 09/NQ-CP hrue 18/5/2021 kơ bruă blei vaccine gang mkhư̆ klei ruă tưp covid 19. Hlăm hdră mtrŭn anei, knŭk kna jao kơ phŭn bruă mdrao mgŭn pral mkŏ mjing bruă blei vaccine hŏng hdră pral hĭn čiăng dưi tlŏ mgang kơ jih jang mnuih. Êlâo anăn, Khua knŭk kna Phạm Minh Chính mâo leh lu blư̆ mñă, ti anăp klei ruă tưp dleh dưi ksiêm dlăng bruă mdrơng hng klei ruă tưp lŏ dơ̆ng ngă mđrăm mbĭt, djŏ guôp, răng êjai mghaih msir êjai hlue si hdră êlan "5 klei mtă mbĭt hŏng vaccine" Knŭk kna jao kơ phŭn bruă mdrao mgŭn pral mkŏ mkŏ mjing bruă blei vaccine čiăng djăl mâo tlŏ mgang kơ jih jang mnuih. Hră klei mrâo điện tử knŭk kna, mâo khua knŭk kna mta brei ngă tŭ jing hdră êlan tlŏ mgang, tal êlâo hĭng jing blei bi pral êa drao mơ̆ng ala tač êngao djŏ hŏng klei khua knŭk kna gĭt gai, ba yua hŏng kdrăp mrâo mrang, bi pral bruă ksiêm duah lehanăn mkra mjing vaccine hlăm ala čar, mkŏ mjing bruă tlŏ mgang bi mâo klei tŭ dưn, čŏng dưi gang mkhư̆ djăp mta klei amâo mâo jăk truh, lehanăn mblang bi djŏ tơdah mâo klei amâo mâo jăk truh./.

Y Khem pô mblang