VOV4.Êđê- Aguah mbrue (15/3), ti anôk bruă knŭk kna, Khua knŭk kna Nguyễn Xuân phúc bi tuôm leh hŏng phung bi ala Keh đru hriăm hră mơar Vừ A Dính, lehanăn phung bi ala kơ êpul bruă đru dŏng hrăm mbĭt hŏng keh nanao hlăm grăp thŭn. Truh kơ ară anei, keh mâo jao leh giăm 90 êbâo hnư prăk đru hriăm hră mơar nanao grăp thŭn kơ phung hdeh hriăm hră sinh viên 54 djuê ana ayŏng adei, hlăm anăn mâo wăt hđeh hriăm hră mnuih Việt Nam ti Campuchia, Lào; Thialand; Cuba.

Keh anei mă bruă mỗ leh 22 thŭn, thŭn 2014 kruăk knăl yuôm bhăn kơ klei mkŏ mjing êpul hgŭm “Kyua Hoàng Sa – Trường Sa khăp h’iêng”, đru mkŏ ai tiê, klei khăp, tiê boh wir phă plao ksĭ lăn car pô. Blŭ hrăm ti anôk bi tuôm Khua knŭk kna mñă, klei gưl hđeh mrâo mâo klei uêñ mĭn kơ lăn čar jing leh sa klei yuôm bhăn. Hlăm wưng kơ anăp, Khua knŭk kna čang hmăng keh anei lŏ dơ̆ng ngă bruă tŭ jing hĭn, mâo bruă klam hŏng yang ƀuôn, lŏ dơ̆ng jing mnuh mnga siam đru mguôp yuôm bhăn kơ jih jang war mnga hlăm lăn čar./.

Pô mblang: Y-Khem Niê