VOV4.Êđê- Tlam mbruê 2/4 ti anôk bruă Knŭk kna, drông Khua bi ala Hàn Quốc ti Nam Park No Wan leh anăn Êpul hgŭm mnia blei Hàn Quốc ti Việt Nam, Êpul mnuih Hàn Quốc ti Việt Nam, 5 êpul grup bruă kdrăp mrâo mrô sa nmơ̆ng Hàn Quốc ksiêm duah čiăng mđĭ bruă duh bi liê hlăm Việt Nam, Khua Knŭk kna Nguyễn Xuân Phúc bi mklă, hŏng Việt Nam, klei mâo jing klei bi mklă, mta nah êngao jing yuôm bhăn hlăm bruă mđĭ kyar bruă duh mkra.

Khua Knŭk kna đaŏ knang, klei bi hgŭm Việt Nam -Hàn Quốc ƀrư̆ hruê ƀrư̆ siă suôr tliêr kjăp kyua mâo dŭm êpul grup bruă duh mkra p’prŏng mơ̆ng Hàn Quốc ti Việt Nam msĕ si Samsung, SK, Hanwha, Deawoo, Lotte leh anăn lu êpul grup, anôk bruă mnia blei mkăn. Knŭk kna Việt Nam lŏ dơ̆ng nao ai leh anăn mjing klei găl kơ dŭm êpul grup, anôk bruă mnia blei lŏ dơ̆ng pŏk mlar bruă duh bi liê, mnia blei ti Việt Nam. Khua Knŭk kna brei thâo, khă gơ̆ klei ruă Covid-19 ƀiădah Việt Nam ăt mjing klei găl kơ phung thơ̆ng kơ bruă, phung duh bi liê Hàn Quốc hlăm Việt Nam ngă bruă hŏng hră mơar găl ênưih hĭn.

Pô mblang: H’Zawut Ƀuôn Yă