VOV4.Êđê –  Ti anôk bruă knu\k kna, Khua Knu\k kna Nguyễn Xuân Phúc g^t gai leh klei bi k[^n Ksiêm w^t 10 thu\n hluê ngă klei hưn mthâo mrô 245 kơ Klei klah ]u\n mơ\ng Phu\n bruă kđi ]ar kơ Klei ]ua\l mkă kr^ng hiu suang dlăng, kuai mă, mkra mjing, ba yua bô xit wưng mơ\ng thu\n 2007 truh thu\n 2015, ksiêm dlăng truh thu\n 2015. Khua knu\k kna Nguyễn Xuân Phúc la], dua hdră bruă bô xit jing Tân Rai ti Bảo Lộc, Lâm Đồng leh anăn Nhân Cơ, ti Dak Nông hlăk po\k ngă mâo du\m klei đru mguôp kơ bruă duh mkra, đru jăk hlăm klei mđ^ kyar mơ\ng Lăn Dap Kngư. Khua knu\k kna Nguyễn Xuân Phúc mtă, hlăm êdei anăp tơdah mđ^ kyar bruă tuh tia mkra mjing Alumin leh anăn Ksuêh hlăm anôk bruă mơ\ng dua sang mkra mjing anei, snăn brei mguôp ho\ng anôk ba ]h^, rơ\ng klei tu\ dưn bruă duh mkra, kyua mkra mjing ksuêh khăng yua lu pui kmlă. Khua knu\k kna m`ă klă, ]ia\ng mđ^ kyar hơ^t kjăp bruă tuh tia mkra mjing Alumin leh anăn ksuêh, brei mđing dlăng kơ bruă răng mgang wa\l hd^p mda, klei êđăp ênang, răng mgang ala ]ar, klei êđăp ênang yang [uôn. Boh nik răng mgang wa\l hd^p mda mơ\ng mnuih [uôn sang Lăn Dap Kngư mâo ]ư\ ]hia\ng, êa, êwa leh anăn wăl dhar kreh mdê hjăn mơ\ng du\m djuê ana [ia\ mnuih.

Y-Khem pô; H’Nê] răk