VOV4.Êđê - Tlam hruê 17/05, ti adŭ bruă knŭk kna, khua knŭk kna Phạm Minh Chính gĭt gia leh klei kƀĭn phung khua êmua knŭk kna kơ bruă gang mkhư̆ klei ruă tưp Covid-19, čiăng dưi bi êdah dŭm klei bi mklă kơ bruă blei mnơ̆ng dhơ̆ng mơ̆ng tač êngao, bruă mkŏ mkra, ngă bruă tlŏ mgang vaccine lehanăn bi mbha mnuih mă bruă, ară anei klei ruă tưp Covid-19 ăt dôk dleh dưi ksiêm dlăng, boh nĭk ti čar Bắc Giang lehanăn Bắc Ninh anôk mâo lu anôk bruă tuh tia, lu mnuih mă bruă lehanăn mâo lu mnuih mâo klei ruă tưp. Khua knŭk kna Phạm Minh Chính mñă klă, bruă kñăm ară anei jing ngă dua bruă sa blư̆ “gang mkhư̆ klei ruă tưp Covid-19 lehanăn mđĭ kyar bruă duh mkra - ala ƀuôn”, rơ̆ng kơ klei êđăp ênang kơ klei ruah khua jing Pô bi ala Quốc Hội gưl 15 lehanăn HĐND dŭm gưl wưng thŭn 2021-2026, bi ruê̆ jăk siam thŭn hriăm hră 2021, hlăm kơ bruă kriê dlăng, răng mgang klei suaih prăl mnuih ƀuôn sang jing bruă yuôm hĭn.