VOV4.Êđê - Leh Khua hlăm Phŭn bruă kđi čar Nguyễn Xuân Phúc mâo Quốc hội ruah păn ngă Khua ala čar Việt Nam yang ƀuôn ngă phŭn êngiê, Khua knŭk kna ala mtao Campuchia Samdech Hun Sen m’ĭt leh klei h’êč hmưi, Khua knŭk kna Hun Sen bi êdah klei đăo knang, hŏng klei gĭt gai mơ̆ng Khua lăn čar Nguyễn Xuân Phúc, Việt Nam srăng mâo lu knhuang đĭ kyar hĭn hlăm bruă duh mkra lehanăn ala ƀuôn, bi sĭt hdră kñăm jing ala čar đĭ kyar hlăm thŭn 2045 lehanăn lŏ mâo bruă klam kjăp hĭn hlăm krĭng lehanăn tar rŏng lăn. Khua knŭk kna Hun Sen ƀuăn srăng lŏ bi hgŭm kjăp hĭn hŏng Khua knŭk kna djŏ păn bruă wưng anei čiăng bi kjăp hĭn klei bi mjĕ ƀĭng hgŭm sui thŭn, hluê hŏng ai tiê ala čar riêng gah jăk siam, bi mguôp, thâo săng hdơ̆ng găp lehanăn bi hgŭm kluôm dhuôm kyua klei tŭ dưn mbĭt, hrăm mbĭt hgao klei lông dlăng mơ̆ng klei ruă Covid 19 ară anei./.

H Nêč pô mblang