VOV4.Êđê- Tlam 15/3, ti anôk bruă knŭk kna, Khua Knŭk kna Nguyễn Xuân Phúc gĭt gai klei bi kƀĭn dhar bruă knŭk kna bi trông kơ Hră čih Hdră mtrŭn mơ̆ng Dhar bruă Quốc Hội kčah mtrŭn prăk ba yua êlan dơ̆ng êran pral mơ̆ng anôk kăp mă prăk hlăm êlan dơ̆ng êran pral mơ̆ng knŭk kna duh bi liê. Mâo klei blŭ lač ba yua êlan dơ̆ng êran pral hŏng dŭm mta bruă mơ̆ng knŭk kna duh bi liê jing čiăng êdi čiăng tla nư čan, mkra mđĭ... ƀiădah Khua knŭk kna bi mklă Knŭk kna duh bi liê mkra êlan dơ̆ng êran pral amâo djŏ kyua hdră kñăm duah hrui mă prăk ôh anăn bruă hrui mă prăk  kñăm rơ̆ng tla kơ ênoh bi liê msĕ si prăk čan, mkra mđĭ... Mơ̆ng tur knơ̆ng klei blŭ mơ̆ng dŭm phŭn, dhar bruă, hluê si Khua Knŭk kna, wưng ară anei kčĕ sa bruă klă klơ̆ng, hmaĭ truh kơ mnuih ƀuôn sang leh anăn bruă duh mkra snăn brei mĭn bi nik. Hră čih Hdră bhiăn êlan klông mkra mlih hlăk dôk bi leh, anăn bruă ba mta phŭn anei hlăm hră čih Hdră bhiăn.

Pô mblang: H’Zawut Ƀuôn Yă