VOV4.Êđê -  Ƀri gưl knăm djuê ana Chôl Chnăm Thmây thŭn 2021 mơ̆ng mnuih djuê ana Khmer, Khua knŭk kna Phạm Minh Chính m’ĭt leh Hră h’êč hmưi truh kơ jih jang mnuih ƀuôn sang djuê ana Khmer. Bi ala phung khua kiă kriê Đảng, Knŭk kna, Khua knŭk kna m’ĭt leh asăp čuă êmuh, h’êč hmưi lehanăn čang hmăng dŭm klei jăk siam, jăk yâo srăng truh hŏng mnuih ƀuôn sang djuê ana Khmer. Hlăk êjai klei ruă Covid 19 dôk mâo dleh dưi ksiêm dlăng, Khua knŭk kna đăo knang hŏng klei gĭr mơ̆ng dŭm gưl bruă lehanăn mnuih ƀuôn sang, mnuih djuê ana Khmer srăng dưi drông knăm djuê ana Chôl Chnăm Thmây êđăp ênang hŏng klei tŭ yuôm hlăm bruă dhar kreh, mđĭ lar knhuah gru, klei bhiăn djuê ana mơ̆ng đưm jăk siam. Mbĭt anăn, lŏ dơ̆ng mđĭ lar knhuah gru khăp čiăng kơ ala čar, bi hgŭm mguôp, gĭr ksiêm hriăm, mđĭ klei thâo, gĭr mă bruă knuă duh ƀơ̆ng, ba wĭt lu klei tŭ dưn prŏng, đru mguôp hŏng kluôm ala hluê ngă tŭ jing dŭm hdră kñăm, bruă klam mđĭ kyar bruă duh mkra ala ƀuôn mâo kčah mtrŭn leh./.

H Nêč pô mblang