VOV4.Êđê-  Hruê 9/5, Khua knŭk kna Phạm Minh Chính nao ksiêm dlăng leh hdră gang mkhư̆ klei ruă tưp ti dŭm čar knông lăn Yŭ Dhŭng lehanăn mkŏ mjing Klei bi kƀĭn trậc tuyến mơ̆ng Anôk bruă sang čư̆ êa čar An Giang hŏng Anôk gĭt gai hdră gang mkhư̆ klei ruă Covid 19, dŭm phŭn dhar bruă lehanăn phung khua kiă kriê 6 čar krĭng Yŭ Dhŭng. Hlăm 10 hruê êgao, kluôm ala mâo leh 257 čô mnuih ruă Covid 19 hlăm êpul êya. Mơ̆ng hdră ksiêm dlăng brei ƀuh, lu čar ka mâo klei mđing uêñ, amâo răng lui bluh mâo klei ruă ti alŭ wăl, truh kơ bluh mâo klei ruă mmông anăn mjêč ruăt pŏk ngă hdră msir. Klah čŭn ti anôk bi kƀĭn, Khua knŭk kna Phạm Minh Chính mñă tơdah klei ruă anei bluh mâo lu hlăm kluôm ala srăng hmăi truh kơ bruă kđi čar, klei suaih pral yang ƀuôn, hdră ruah pô bi ala Quốc hội lehanăn HĐND dŭm gưl lehanăn hmăi truh kơ bruă mjưh ruê̆ thŭn hriăm 2020 – 2021. Kyua anăn, dŭm alŭ wăl, êpul êya, anôk bruă lŏ dơ̆ng mđĭ hdră gang mkhư̆ klei ruă, krơ̆ng kjăp klei êđăp ênang bruă kđi čar, klei êđăp ênang ala ƀuôn lehanăn klei mĭn gĭt gai ‘’Mjêč, mjêč hĭn dơ̆ng, kjăp hĭn, kjăp hĭn dơ̆ng, tŭ dưn, tŭ dưn hĭn, tŭ jing lehanăn tŭ jing hĭn dơ̆ng’’.

                                                    Pô mblang: H’Nêč Êñuôl