VOV4.Êđê-  Aguah mbrue (11/3) Khua knŭk kna Nguyễn Xuân Phúc kiă kriê klei knŭk kna bi kƀĭn kơ hdră duh bi liê ti ênoh man dưn ngăn prăk mơ̆ng knŭk kna wưng thŭn 2021 – 2025. Leh phung khua prŏng nao hlăm anôk bi kƀĭn, mâo klei blŭ, klah čŭn klei bi kƀĭn, khua knŭk kna lač, hdră bi liê kơ ênoh man dưn wưng thŭn mâo bruă yuôm bhăn hŏng klei mđĭ kyar lăn čar, jing hdră kluôm kơ klei duh mkra, ala ƀuôn, bruă lĭng kahan, bruă răng mgang klei êđăp ênang.

Khua knŭk kna mtă kơ dŭm phŭn dhar bruă alŭ wăl lŏ iêu jak klei duh bi liê mơ̆ng nah êngao pioh mđĭ kyar bruă nah gŭ mơ̆ng prăk čan ODA, bi hgŭm knŭk kna- êngao knŭk kna, prăk duh bi liê mơ̆ng alŭ wăl. Khua knŭk kna mtă tĭng mkă ênoh bi liê man dưn kơ dŭm bruă nah gŭ yuôm bhăn. Mbĭt hŏng dŭm bruă mđĭ kyar klei duh mkra, lehanăn dŭm bruă dhar kreh, hlăm anăn mđing kơ bruă rŭ mdơ̆ng sang êa drao prŏng. Bi tĭng mbha plah wah dŭm krĭng, kwar bi djŏ guôp./.

Pô mblang:  Y-Khem Niê