VOV4.Êđê - Ăt ti anôk pŏk klei bi kƀĭn tal 11, Quốc hội gưl 14, Khua knŭk kna Nguyễn Xuân Phúc mâo leh klei hâo mdah kơ bruă knŭk kna wưng thŭn 2016 – 2021, hŏng hdră “knŭk kna mđĭ kyar, hlăm klei ênuah, mă bruă hŏng klei ktang, kơ mnuih ƀuôn sang”, wưng păn bruă êgao, knŭk kna lehanăn khua knŭk kna kiă kriê leh djăp gưl, dŭm dhar bruă ngă jih ai tiê, mdrăm hlăm jih jang, hŏng klei tŭ dưn djăp mta kñăm, bruă čuăn, hdră leh mtrŭn kơ jih jang bruă. khua knŭk kna lač, knŭk kna tui tiŏ klei bi hơĭt bruă duh mkra kluôm mkhư̆ prăk luič ênoh, bi kna jih jang bruă kñăm mâo klei đĭ kyar, yap anei jing bruă phŭn kơ klei kiă kriê.

Boh nik, knŭk kna, lehanăn khua knŭk kna ngă leh djăp hdră, bruă čuăn phŭn mơ̆ng Êpul gĭt gai gưl dlông, kơ bruă bi kdơ̆ng hŏng klei ƀơ̆ng ngăn. mghaih msir ktang jih jang klei ngă soh, sua wĭt sa ênoh prŏng prăk kăk, lehanăn ngăn drăp, mkŏ mjing Êpul thơ̆ng kơ bruă pioh mghaih msir bi jih klei bi kčŭt dleh mgahih msir, kđi sui ka phat mkra./.

Y-Khem pô mblang