VOV4.Êđê - Khua knŭk kna Phạm Minh Chính bi ruê̆ hŏng klei jăk siam klei nao hgŭm hlăm klei kƀĭn trông dŭm čô khua gĭt gai ASEAN. Hlăm 2 hruê klei nao mă bruă, khua knŭk kna mâo leh klei nao hgŭm leh anăn blŭ hlăm klei bi kƀĭn khua gĭt gai ASEAN kơ dŭm klei rŭng răng ti Myanmar leh anăn bruă klam mơ̆ng ASEAN. Khua knŭk kna mñă klă, êjai Việt Nam dôk păn ngă khua djŏ tuôr leh anăn khua gĭt gai Êpul răng mgang klei êđăp ênang Liên Hợp Quốc hlăm mlan 4/2021. Việt Nam mâo leh klei gĭr čiăng mkŏ mkra klei găl leh anăn tui duah sa hdră êlan djŏ mghaih msir klei rŭng răng ti Myanmar. Khua knŭk kna mnă kơ dŭm ala čar hlăm ASEAN srăng mâo klei bi mguôp hŏng dŭm bruă mâo mơ̆ng Liên Hợp Quốc leh anăn hrăm mbĭt hŏng Việt Nam iêu mthưr dŭm ala čar sa ai, đru mguôp hŏng ASEAN hlăm bruă nao lehanăn tui duah hdră êlan kơ Myanmar. Hlăm 2 hruê mă bruă ti ala čar Indonesia. Khua knŭk kna mâo leh lu klei bi mtuôm dua nah hŏng dŭm čô khua gĭt gai mơ̆ng ASEAN, lŏ dưi mâo klei mơĭt rup siam, mâo klei bi mguôp mơ̆ng êpul khua gĭt gai mrâo mơ̆ng ala čar Việt Nam truh kơ dŭm ala čar jĕ giăm hlăm alŭ wăl.

Y Khem pô mblang