VOV4.Êđê - Hruê 5/5, ti Hà Nội, Khua knŭk kna Phạm Minh Chính gĭt gai leh Klei bi kƀĭn Knŭk kna dŭm gưl mlan 4/2021. Anei jing klei bi kƀĭn knŭk kna grăp gưl tal êlâo leh Knŭk kna mâo djăp ênŭm mnuih mă bruă. Ti Klei bi kƀĭn Knŭk kna dŭm gưl mlan 4/2021, knŭk kna kƀĭn bi trông kơ 8 mta bruă, mâo dŭm bruă bluh mâo giăm anei hlăm hdră gang mkhư̆, mdrơ̆ng hŏng klei ruă Covid 19 hlăk klei ruă anei mâo ƀrư̆ hruê ƀrư̆ dleh dưi ksiêm dlăng; lu alŭ wăl mâo leh mnuih ruă tưp hlăm êpul êya yang ƀuôn. Mbĭt hŏng anăn, Knŭk kna bi trông leh kơ hdră mprăp kơ gưl ruah pô bi ala Quốc hội gưl XV lehanăn bi ala HĐND dŭm gưl wưng thŭn 2021-2026, rơ̆ng mkŏ mjing tŭ jing hdră bruă kđi čar yuôm bhăn mâo mkŏ mjing hlăm mlan anei. Ăt ti anôk bi kƀĭn, knŭk kna srăng mđing hmư̆ lehanăn bi trông kơ hdră bruă duh mkra – ala ƀuôn mlan 4, 4 mlan akŏ thŭn 2021 lehanăn dŭm bruă yuôm bhăn mkăn./.

H Nêč pô mblang