VOV4.Êđê- Aguah mbrue (15/4), ti anôk bruă knŭk kna, Khua knŭk kna Phạm Minh Chính kiă kriê leh klei knŭk kna bi kƀĭn tal êlâo leh mâo bi ênŭm ti anôk bi kƀĭn tal 11, bruă kƀĭn ala gưl 14, kñăm trông čhai kơ klei jao bruă leh knŭk kna mâo dăp ênŭm phung khua êmua, hdră êlan kơ klei kiă kriê, lehanăn djăp mta bruă kơ klei kiă kriê, lehanăn hlue ngă bruă knuă hlăm knŭk kna wưng kơ anăp.

Blŭ pŏk klei bi kƀĭn, khua knŭk kna Phạm Minh Chính mñă, anei jing klei bi kƀĭn tal êlâo mơ̆ng knŭk kna leh mâo dăp ênŭm mnuih ngă bruă, jing bŏ hŏng klei yuôm bhăn. Khua knŭk kna Phạm Minh Chính lač klă klei mĭn mơ̆ng knŭk kna leh mâo ênŭm mnuih ngă bruă, dơ̆ng kčưm mtam kơ bruă knuă, mđing mghaih msir bi leh djăp mta bruă anôk dleh kpăk, hŏng klei ngă bruă hur har, pral, mâo tă leh djăp hdră ngă bruă, klei mghaih msir mngač tač, tŭ jing kơ dŭm dhar bruă êpul êya ngă mtam./.

Pô mblang: Y-Khem Niê