VOV4.Êđê - Hruê 13/5, Khua knŭk kna Phạm Minh Chính mă leh bruă hŏng ƀuôn prŏng Hồ Chí Minh kơ boh klei bruă duh mkra ala ƀuôn 3 mlan gưl 1 thŭn 2021 lehanăn msir mghaih dŭm klei akâo čiăng mơ̆ng ƀuôn prŏng. Anei jing alŭ wăl tal êlâo Khua knŭk kna nao mă bruă leh Knŭk kna mâo djăp ênŭm mnuih mă bruă, brei ƀuh klei mđing dlăng mơ̆ng knŭk kna hŏng hdră mđĭ kyar ƀuôn prŏng Hồ Chí Minh.

Phung khua kiă kriê anôk bruă sang čư̆ êa ƀuôn prŏng Hồ Chí Minh ba mdah leh klei akâo čiăng hŏng knŭk kna, Khua knŭk kna 5 êpul bruă mâo: Čih mkra hdră mtrŭn mrâo, bi mlih Hdră mtrŭn 93 mơ̆ng Knŭk kna kñăm mkra, thiăm mbŏ dŭm mta klei hlăm bruă kah mbha gưl, klei dưi kơ ƀuôn prŏng Hồ Chí Minh, ruh mtlaih klei dleh dlan, gun kpăk hlăm bruă hluê ngă Hdră mtrŭn mrô 54 mơ̆ng Quốc hội, kơ bruă duh bi liê, mkŏ mjing hdră bruă knŭk kna wưng man dưn thŭn 2021 – 2025; klei klei akâo čiăng djŏ tuôm kơ ƀuôn prŏng Thủ Đức ăt msĕ mơh kơ klei bhiăn, hdră mtrŭn, mkŏ mkra anôk bruă nah gŭ krĭng ƀuôn prŏng Thủ Đức; dŭm klei ba mdah djŏ tuôm kơ hdră kriê dlăng ƀuôn prŏng mơ̆ng ƀuôn prŏng Hồ Chí Minh./.

H Nêč pô mblang