VOV4.Êđê -  Hruê 6/5, ti anôk bruă Knŭk kna, Khua Knŭk kna Phạm Minh Chính mă bruă hŏng Phŭn bruă sang hră leh anăn mtô bi hriăm kơ dŭm bruă êdu kƀah, mjêč brei msir mgaih, dŭm klei kčĕ, klei akâo mơ̆ng dhar bruă. Khua Knŭk kna lŏ mñă dŭm klei akâo mjêč ară anei hlăm hdră gang mkhư̆ klei ruă tưp Covid-19, amâo dưi ngă ngơi mang, luič klei răng, jih ai tiê êđăp ênang, amâo huĭ hyưt.

Bruă sang hră brei bi hgŭm hŏng dŭm anôk bruă djŏ tuôm pŏk ngă bi jăk, tŭ dưn dŭm hdră gang mkhư̆ klei ruă tưp, rơ̆ng jăk klei suaih pral kơ phung hđeh sang hră, sinh viên, nai mtô, mbĭt anăn brei mâo hdră čiăng bi leh bruă klam thŭn hriăm, mkŏ mjing tŭ jing klei bi lông hriăm jih gưl 3 ala čar kơ anăp. Klah čŭn mmông mă bruă, Khua Knŭk kna Phạm Minh Chính bi mklă, anak mnuih jing yuôm bhăn hĭn, bi mklă hŏng bruă mkŏ mjing leh anăn mđĭ kyar lăn čar, čiăng dưi mâo klei găl anak mnuih êngao kơ bruă dhar kreh hƀuê ênuk djuê ana, mâo bruă klam yuôm bhăn mơ̆ng bruă sang hră mtô bi hriăm.

H Zawut pô mblang