VOV4.Êđê- Tŭ ư klei iêu jăk mơ̆ng mtao ala čar Brunei Darussalam Sultan Haji Hassanal Bolkiah, khua gĭt gai ASEAN thŭn 2021, aguah anei 23/4 khua knŭk kna Phạm Minh Chính đuê̆ nao mơ̆ng Hà Nội, djă akŏ êpul bi ala gưl dlông truh ti anôk bi kƀĭn phung khua gĭt gai mơ̆ng ASEAN hlăm sang bi kƀĭn êpul khua kiă kriê ASEAN ti ƀuôn prŏng phŭn Jakarta, Indonesia hlăm 2 hruê 23-24/4/2021. Anei jing gưl nao mă bruă ti ala čar tač êngao êlâo hĭn hlăm bruă klam jing sa čô khua kiă kriê knŭk kna mơ̆ng khua knŭk kna Phạm Minh Chính, bi mklă bruă ngă êlâo hĭn mơ̆ng ala čar Việt Nam jing hyuă kjăp lehanăn bi kjăp klei bi mguôp, bi đru mơ̆ng dŭm ala čar hlăm ASEAN. Đru hlăm bruă bi mđĭ bruă klam lehanăn anôk dôk mơ̆ng ASEAN hlăm bruă mgaih msir dŭm klei lông dlăng, mơ̆ng anăn mkŏ mjing wăl hdĭp mda êđăp ênang, mâo klei găl srăng đĭ kyar kjăp kơ dŭm ala čar hlăm alŭ wăl.

Pô mblang: Y-Khem Niê