VOV4.Êđê- Leh hmư̆ klei hưn, sinh viên Nguyễn Văn Nhã, kkiêng thŭn 1998, dôk ti kdriêk Quỳnh Lưu, čar Nghệ An, sinh viên thŭn tal 4, hriăm bruă Công nghệ thông tin, Sang hră Đại học Khoa học, hlăm Đại học Huế tlam hruê 30/4 mrâo êgao dôk mnei ti êa ksĭ hlăm kdriêk Phú Vang snăn hmao ƀuh 3 čô găp mniê êa kpuh mđung kbưi hŏng hang mmông anăn adei luê nao dŏng hdĭp găp ñu, ƀiădah leh dŏng hdĭp 3 čô găp, êa hlŏng mđung Nhã kyua ai awăt. Khua lăn čar Nguyễn Xuân Phúc m’ĭt leh asăp bi juh lehanăn nao čuă êmuh gŏ sang sinh viên Nguyễn Văn Nhã. Khua lăn čar mtă kơ anôk bruă djŏ tuôm ksiêm dlăng ba dah hŏng Khua lăn čar mđup brei Medai Jhŏng ktang, mbĭt anăn ksiêm dlăng brei bi mklă sinh viên Nguyễn Văn Nhã jing pô djiê êngiă djŏ si klei kčah mtrŭn./.

                                                    Pô mblang: H’Nêč Êñuôl