VOV4.Êđê - Aguah hruê 12/5, Khua lăn čar Nguyễn Xuân Phúc drông Êpul bi ala dŭm djuê ƀiă čar Bắc Giang ƀri gưl Êpul nao čhưn ti ƀuôn prŏng phŭn Hà Nội, nao čhưn ti Anôk bruă Khua lăn čar. Lač hlăm wưng êgao, Bắc Giang mkŏ mjing leh jăk, tŭ dưn hdră bi hrŏ ƀun, amâo djŏ knŏng mđĭ kyar bruă duh mkra, hdră bruă đuič ôh ƀiădah lŏ mđĭ kyar bruă duh mkra ala ƀuôn krĭng mnuih djuê ƀiă, msir klei ư̆ êpa, bi hrŏ klei ƀun knap krĭng taih kbưi.

Khua lăn čar mñă klă, Đảng, Knŭk kna mđing dlăng kơ dŭm djuê ƀiă, krĭng taih kbưi, dleh dlan. Hlăm boh klei phung jhat bi kdơ̆ng mjhua klei djuê ana, klei đaŏ čiăng bi kah ana mbha djuê, bi rai hdră êlan mơ̆ng Đảng, knŭk kna, Khua lăn čar bi mklă bruă kriê pioh, mđĭ lar ai tiê bi hgŭm djuê ana jing bruă yuôm bhăn hlăm hdră mkŏ mjing leh anăn mđĭ kyar ala čar.

H Zawut pô mblang