VOV4.Êđê- Tlam mbruê, ti Hà Nội, Khua lăn čar Nguyễn Xuân Phúc gĭt gai mmông mă bruă hŏng khua gĭt gai dŭm anôk bruă hdră bhiăn gưl dlông leh anăn Phŭn bruă kahan ksiêm kơ bruă hluê ngă Hdră bhiăn phưi mnă thŭn 2018. Hluê si klei ksiêm dlăng mơ̆ng phung nao bi kƀĭn, Hdră briăn phưi mnă thŭn 2018 msir mgaih leh klei ka djŏ hlăm Hdră bhiăn phưi mnă thŭn 2017. Hdră bhiăn ăt jao leh kơ Knŭk kna kčah mtrŭn dŭm klei găl phung akâo phưi mnă, hră mơar akâo phưi, hdră ngă, hră mơar akâo phưi, bruă klam mơ̆ng Knơ̆ng bruă sang čư̆ êa dŭm gưl, anôk bruă mkŏ mjing djŏ tuôm… Blŭ hrăm ti anôk bi kƀĭn, Khua lăn čar Nguyễn Xuân Phúc gĭt gai briă pŏk ngă klei phưi mnă hluê ngă hdră tliêr kjăp, klă mngač, djŏ hdră bhiăn leh anăn  amâo brei mâo klei amâo jăk. Leh mâo hdră mtrŭn klă klơ̆ng mơ̆ng Đảng, Knŭk kna snăn brei pral mprăp hră mơar, ktrâo lač klei djŏ tuôm, hluê ngă djŏ hdră bhiăn phưi mnă thŭn 2018.

Pô mblang: H’Zawut Ƀuôn Yă