VOV4.Êđê- Ƀri gưl bi hdơr 131 thŭn hruê kkiêng Khua gĭt gai Hồ Chí Minh, 110 thŭn Awa Hô duah êlan mtlaih ala čar (05/6/1911 - 05/6/2021), aguah hruê 20-5, ti dŭm anôk kriê pioh hƀuê ênuk ti kdriêk Hóc Môn, ƀuôn prŏng Hồ Chí Minh, Khua lăn čar Nguyễn Xuân Phúc myơr brui mngưi, mnga bi hdơr Khua gĭt gai Hồ Chí Minh, bi hdơr phung êngiă asei, hlăm anăn mâo Khua gĭt gai Đảng Nguyễn Văn Cừ, Hà Huy Tập. Kdriêk Hóc Môn mâo kluôm ala thâo hŏng klei krŭ kdơ̆ng 18 alŭ Vườn Trầu hlăm thŭn 1885 leh anăn Hóc Môn jing anôk mâo bruă Đảng gưl dlông ruah jing anôk mdăp hgăm mkŏ mjing lu klei bi kƀĭn yuôm bhăn gĭt gai hdră krŭ kdơ̆ng kluôm ala wưng thŭn 1936 -1939. Ti Sang bi hdơr Ngã Ba Giồng hlăm Wăl mnơ̆ng kriê pioh hƀuê ênuk gưl ala čar Ngã Ba Giồng, Khua lăn čar Nguyễn Xuân Phúc leh anăn êpul myơr brui mngưi, mnga, mpŭ ti anăp rup Khua gĭt gai Hồ Chí Minh, khua gĭt gai mơ̆ng djuê ana Việt Nam. Ăt hlăm aguah hruê 20-5, ti să Tân Thới Thượng, kdriêk Hóc Môn, Khua lăn čar Nguyễn Xuân Phúc nao čhưn, mđup brei mnơ̆ng kơ dŭm gŏ sang knŭk kna dlăng ba.

Pô mblang: H’Zawut Ƀuôn Yă