VOV4.Êđê-  Hlăm hdră nao mă bruă ti ƀuôn prŏng Hồ Chí Minh, hruê 9/5, Khua lăn čar Nguyễn Xuân Phúc nao čhưn, mđup brei leh mnơ̆ng kơ dŭm gŏ sang knŭk kna dlăng ba ti kdriêk Củ Chi, ƀuôn prŏng Hồ Chí Minh. Khua lăn čar Nguyễn Xuân Phúc nao čhưn, mđup brei leh mnơ̆ng kơ Pô Jhŏng ktang djă phao ktuang yang ƀuôn Tô Văn Đực (anăn sĭt Tô Hoài Đức, kiêng thŭn 1942) ti să Nhuận Đức, kdriêk Củ Chi. Leh kơnăn, ti să Hoà Phú, Khua lăn čar nao čhưn, mđup brei leh mnơ̆ng kơ gŏ sang knŭk kna dlăng ba Bùi Văn Hiệp, kkiêng thŭn 1948, kahan êka êkeh 1/4; gŏ sang Trần Hoàng Minh, kkiêng thŭn 1950, kahan êka êkeh 1/4. Khua lăn čar mñă klă, Đảng, Knŭk kna hdơr lehanăn lač jăk nanao kơ klei đru mguôp prŏng prĭn mơ̆ng phung kahan êka êkeh, kahan djiê êngiă, mnuih mâo bruă tŭ dưn hŏng cách mang săn leh asei mlei kơ hdră bruă kdơ̆ng mblah mtlaih êngiê djuê ana./.

                                                    Pô mblang: H’Nêč Êñuôl