VOV4.Êđê- Tŭ mă klei jak iêu mơ̆ng Khua mil čhil Mi Joe Biden, mmăt mbruê 22/4, Khua lăn čar Nguyễn Xuân Phúc nao hlăm hdră mphŭn pŏk Klei bi kƀĭn gưl dlông kơ yan adiê. Klei bi kƀĭn dưi mkŏ mjing trưcj tuyến hlăm dua hruê 22 -23/4/2021, hŏng hdră kñăm phŭn jing mtrŭt mđĭ êpul êya quốc tế ba mdah klei ƀuăn rơ̆ng kluôm rŏng lăn ktang hĭn kơ klei mdrơ̆ng hŏng klei bi mlih yan adiê čiăng dưi mâo hdră kñăm krơ̆ng hnơ̆ng hlơr boh lăn amâo đĭ êbeh 1,5 độ C mkă hŏng êlâo wưng tuh tia mkra mjing, djŏ guôp hŏng Klei kuôl kă Paris kơ klei bi mlih yan adiê.

Hlăm jar klei bi kƀĭn, Khua lăn čar Nguyễn Xuân Phúc srăng mbĭt hŏng Joe Biden leh anăn khua mil čhil dŭm ala čar Tây Ban Nha, Nigeria, Ba Lan mâo klei blŭ hrăm hlăm Klei bi kƀĭn yuôm bhăn kơ akŏ “ Dŭm klei tŭ bruă duh mkra mơ̆ng Klei ngă bruă kơ yan adiê” mkŏ mjing mmăt anei 23/4.

Pô mblang: H’Zawut Ƀuôn Yă