VOV4.Êđê- Aguah mbrue (14/5), ti kdriêk Củ Chi, ƀuôn prŏng Hồ Chí Minh, Khua lăn čar Nguyễn Xuân Phúc lehanăn phung mgơ̆ng asei pô bi ala Quốc hội gưl 15 bi tuôm leh hŏng phung bi ala kơ phung ƀuôn sang hlue hdră trực tuyến. Blŭ hrăm ti anôk bi tuôm, Khua lăn čar mñă: Tơdah jing pô bi ala Quốc hội snăn êlâo hĭn jing mđing hmư̆ ai tiê, klei blŭ phung ƀuôn sang, pral hưn hŏng quốc hội Đảng, knŭk kna dhar bruă mâo klei dưi mghaih msir djăp mta klei akâo, klei blŭ jing năng mơ̆ng phung ƀuôn sang anôk pô mgơ̆ng ruah.

Khua lăn čar brei thâo srăng čŏng jih ai tiê đru ngă bruă bi mâo klei tŭ dưn jih jang bruă êpul phung bi ala Quốc hội ƀuôn prŏng Hồ Chí Minh, jing êpul prŏng hĭn hlăm kluôm ala. Khua lăn čar mđing ngă 4 hdră mđĭ kyar ƀuôn prŏng leh kčah čuăn, hlăm anăn mkra mđĭ bi kjăp dŭm anôk kreh êa lip, mdrơ̆ng hŏng klei yăn adiê ngă lehanăn mđĭ hnơ̆ng thâo bi ktưn hlăm bruă ti ƀuôn prŏng, rŭ mjing wăl hdĭp mdah mtah doh. Jih jang phung bi ala Quốc hội ƀuôn prŏng bi maoa bruă klam rŭ mdơ̆mng ƀuôn prŏng kreh dhar, ênuk mrâo, thâo khăp, mjut mjing knhuah gru dhar kreh siam./.

Pô mblang: Y-Khem Niê