VOV4.Êđê - Hlue ngă klei mtrŭt mjhar phung ƀuôn sang êlâo kơ klei ruah khua pô bi ala Quốc hội gưl 15, lehanăn phung bi ala HĐND wưng thŭn 2021 – 2026, hlăm dua hrue 9 lehanăn 10/5, Khua lăn čar Nguyễn Xuân Phúc lehanăn dŭm phung mgơ̆ng ruah mâo bi tuôm leh hŏng phung ƀuôn sang ti dua kdriêk Củ Chi lehanăn Hóc Môn, ƀuôn prŏng Hồ Chí Minh. Bi êdah hdră pô mă bruă, Khua lăn čar Nguyễn Xuân Phúc lač, bruă tal êlâo mơ̆ng pô mgơ̆ng ruah pô bi ala Quốc hội, bi ala HĐND jing mđing hmư̆ nanao klei mĭn, klei blŭ mơ̆ng phung ƀuôn sang, lŏ hưn bi pral hŏng Quốc hội, HĐND lehanăn dŭm dhar bruă djŏ tuôm čiăng đru rŭ mdơ̆ng lăn čar lehanăn ƀuôn prŏng Hồ Chí Minh kreh dhar, ênuk kmrâo, bŏ hŏng klei khăp, thâo kriê pioh dhar kreh. Bi ala kơ phung mgơ̆ng ruah, Khua lăn čar lač, phung mgơ̆ng ruah leh djŏ ruah brei mâo klei mĭn mrâo hŏng hdră mă bruă čăt jing, hlăm anăn mđĭ kyar bruă mnia mblei, rŭ mdơ̆ng ƀuôn prŏng doh siam, atăt Củ Chi jing sa boh quận knhal roh ƀuôn prŏng Hồ Chí Minh./.

Y Khem pô mblang