VOV4.Êđê-  Hruê 14/5, Khua mil čhil Hàn Quốc Moon Jae In bi mklă leh bruă ruah khua Khua phŭn bruă Kreh knhâo lehanăn Khua phŭn bruă ksiêm dlăng bruă Lăn ala. Aguah hruê anăn, Kim Boo kyum ăt klă klơ̆ng păn ngă Khua knŭk kna Hàn Quốc. Hluê si klei bi mklă mơ̆ng Khua mil čhil Moon Jae In, Lim Hye sook dưi ruah mdưm păn ngă Khua phŭn bruă Kreh knhâo, Noh Hyeong-ouk dưi ruah mdưm păn ngă Khua phŭn bruă ksiêm dlăng bruă Lăn ala. Khua mil čhil Moon Jae In đăo knang, klei bi mklă mnuih păn bruă mrâo hlăm knŭk kna tal anei, srăng mjing boh kdrŭt đru kơ Moon Jae In kriê dlng ala čar jăk hĭn hlăm dŭm mlan knhal tuič wưng păn bruă mŏng pô./.

Pô mblang: H’Nêč Êñuôl