VOV4.Êđê- Hlăm mmông mă bruă hruê 26/4, Êpul mă bruă mơ̆ng Phŭn bruă mdrao mgŭn mâo Khua phŭn bruă mdrao mgŭn Nguyễn Thanh Long ngă khua êpul mâo mmông mă bruă kơ hdră gang mkhư̆ klei ruă tưp Covid-19 leh anăn bruă mdrao mgŭn ti dŭm anôk bruă mdrao gưl dlông ti ƀuôn prŏng  Cần Thơ, Khua phŭn bruă Nguyễn Thanh Long mtă kơ Sang êa drao prŏng gưl dlông Cần Thơ bi hgŭm hŏng alŭ wăl, sang hră đại học mdrao mgŭn Cần Thơ, pral bi leh sang êa drao jing jao gưl dlông ti Cần Thơ. Sang êa drao prŏng gưl dlông Cần Thơ dưi jao ngă anôk phŭn đru kơ mnuih mă bruă, kdrăp mnơ̆ng mdrao mgŭn, masin bi êwa… kơ sang êa drao jing jai. Sang êa drao anei brei jing sang êa drao anôm mdrao knhal tuič, tŭ jum mdrao phung djŏ klei ruă Covid-19 kjham, đru kơ phung ruă mơ̆ng dŭm čar hlăm krĭng wăl. Hnơ̆ng tal êlâo mơ̆ng 4 êtuh jhưng đih, ƀiădah srăng đĭ truh 8 êtuh jhưng đih mdrao tơdah mâo klei čiăng.

Pô mblang: H’Zawut Ƀuôn Yă