VOV4.Êđê - Aguah mbrue (24/3) ti sang Quốc hội, mkŏ mjing knăm pŏk klei bi kƀĭn tal 11, Quốc hội gưl 14, blŭ pŏk klei bi kƀĭn Khua Quốc hội Nguyễn Thị Kim Ngân mñă, anei jing klei bi kƀĭn mjing kdrông mkŏ, nao hlăm bruă mlih jao wưng păn bruă mơ̆ng dŭm anôk bruă hlăm knŭk kna.

Khua Quốc hội Nguyễn Thị Kim Ngân mñă, ti anôk bi kƀĭn anei, Quốc hội srăng mâo dŭm bruă ngă msĕ si pioh lu mmông kơ klei trông čhai, ksiêm wĭt bruă wưng păn bruă gưl 14 mơ̆ng Quốc hội; ksiêm dlăng klei hâo mdah bruă knuă wưng păn bruă thŭn 2016 – 2021 mơ̆ng khua lăn čar, mơ̆ng Anôk bruă gĭt gai Quốc hội, knŭk kna, Êpul hgŭm djuê ana, dŭm anôk bruă hlăm Quốc hội, Sang phat kđi yang ƀuôn gưl dlông, Anôk bruă ksiêm dlăng yang ƀuôn gưl dlông, bruă mkă tĭng ngăn prăk knŭk kna.

Mơ̆ng anăn srăng ksiêm bi mklă Hdră mtrŭn kơ bruă ngă mơ̆ng dŭm anôk bruă mơ̆ng knŭk kna wưng păn bruă 2016 – 2021./.

Y-Khem pô mblang