VOV4.Êđê- Tlam hruê 14-5, ti Sang Quốc hội, Khua Quốc hội Vương Đình Hụê drông Khua bi ala Campuchia Chay Navuth, Khua bi ala Nhật Bản Yamada Takio hriê kkuh čhưn. Hlăm mmông drông Khua bi ala Campuchia Chay Navuth, Khua Quốc hội Vương Đình Huệ bi mklă Vịêt Nam dlăng myuôm leh anăn mâo klei mđing dlăng lu kơ bruă mkra mđĭ leh anăn hyuă kjăp klei bi hgŭm hŏng Campuchia. Khua bi ala Campuchia Chay Na-vút đaŏ knang, hŏng klei mprăp jăk ară anei, Việt Nam srăng mkŏ mjing tŭ jing klei ruah khua bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026 hlăm hruê 23-5 kơ anăp. Drông Khua bi ala Nhật Bản Yamada Takio, Khua Quốc hội Vương Đình Huệ bi mklă Vịêt Nam dlăng Nhật Bản jing ƀĭng hgŭm Yuôm bhăn mrô sa, sui thŭn, nao ai hŏng Nhật Bản đru mguôp jăk kơ klei êđăp ênang leh anăn mđĭ kyar mơ̆ng krĭng wăl leh anăn dlông rŏng lăn. Khua Quốc hội čang hmăng Nhật Bản mbha vaccin, bi hgŭm kơ klei ba jao hdră mkra mjing vaccin Covid-19 kơ Việt Nam.

Pô mblang: H’Zawut Ƀuôn Yă