VOV4.Êđê - Aguah mbruê 18-5, ti Sang Quốc hôị, Khua Quốc hội Vương Đình Huệ, Khua hội đồng Êpul hgŭm ruah khua Quốc hội gưl XV leh anăn phung bi ala HĐND dŭm gưl wưng thŭn 2021-2026. Blŭ hrăm ti Anôk bi kƀĭn, Khua Êpul hgŭm ruah khua ala čar brei thâo truh ară anei, dŭm bruă mprăp kơ klei ruah khua dưi bi leh, mprăp kơ klei ruah khua hruê 23-5 kơ anăp. Êpul hgŭm ruah khua ala čar bi mklă mkŏ mjing Klei bi kƀĭn trực tuyến kluôm ala tal anei kñăm ksiêm dlăng jih bruă mprăp truh kơ ară anei, hmao mđing hmư̆ leh anăn msir mgaih klei gun kpăk, dleh dlan, klei akâo, klei kčĕ mơ̆ng dŭm alŭ wăl, dŭm êpul bruă djŏ tuôm kñăm bi tŭ ư klei thâo săng, gĭr jih ai tiê hlăm bruă mprăp jăk hĭn, djăp ênŭm hĭn kơ klei ruah khua - sa bruă kđi čar yuôm bhăn mơ̆ng ala čar dưi mkŏ mjing djŏ hdră kčah, klă sĭt jing Hruê mơak ala čar, hruê mơak jih jang yang ƀuôn leh anăn tŭ jing jăk siam.

H Zawut pô mblang