VOV4.Êđê- Aguah 14/4, Khua Quốc hôị Vương Đình Huệ, Khua Êpul hgŭm ruah khua ala čar, mbĭt hŏng êpul ktuê dlăng, ksiêm dlăng mơ̆ng Dhar bruă Quốc hội, Êpul hgŭm ruah khua ala čar mă bruă hŏng Knơ̆ng bruă ruah khua čar Quảng Ninh. Khua Quốc hội Vương Đình Huệ mtă, čar Quảng Ninh mkŏ mjing klei ruah khua djŏ tui si hdră kčah, mđĭ lar klei dưi ngă khua mơ̆ng mnuih ƀuôn sang, klă mngač, rơ̆ng jih hnơ̆ng klei êđăp ênang kơ ênoh leh anăn mkiêt mkriêm, čiăng hruê ruah khua klă sĭt jing hruê mơak mơ̆ng yang ƀuôn. Khua Quốc hội Vương Đình Hụê đaŏ knang, Quảng Ninh srăng mkŏ mjing tŭ jing klei ruah khua phung bi ala Quốc hội gưl XV leh anăn ruah khua bi ala HĐND dŭm gưl wưng thŭn 2021-2026, hŏng dŭm hnơ̆ng kčah, phung bi ala nao ruah lu hĭn, êđăp ênang, mjing klei tŭ ư, dưi ruah phung năng hĭn.

Pô mblang: H’Zawut Ƀuôn Yă