VOV4.Êđê- Tlam hruê 16/3, Khua Quốc hội Nguyễn Thị Kim Ngân, Khua Êpul hgŭm ruah khua ala čar mă leh bruă hŏng Anôk gĭt gai hdră ruah khua ƀuôn prŏng Cần Thơ. Truh 5h tlam hruê 14/3, Dhar bruă ruah khua ƀuôn prŏng tŭ mă leh 15 mta hră m’ar mgơ̆ng ruah ngă pô bi ala Quốc hội gưl XV, 108 mta hră m’ar mgơ̆ng ruah ngă pô bi ala Hội đồng nhân dân ƀuôn prŏng wưng thŭn 2021 – 2026, ngă leh hră m’ar mjưh mdei bruă lŏ tŭ mă hră mgơ̆ng ruah ngă pô bi ala Quốc hội gưl XV, pô bi ala Hội đồng nhân dân ƀuôn prŏng wưng thŭn 2021 – 2026 hluê si klei kčah mtrŭn. Blŭ hrăm ti anôk mă bruă, Khua Quốc hội Nguyễn Thị Kim Ngân gĭt gai, leh Klei bi kƀĭn tal 2, Cần Thơ brei mtrŭt mđĭ hĭn hdră mtô mblang mđing truh kơ hdră ruah khua, mđing kơ bruă rŏng kjăp klei êđăp ênang ala ƀuôn, boh nik hlăm hruê ruah khua, hruê 23/5/2021, pral mâo hdră kčah rŏng kjăp klei êđăp ênang hlăk klei ruă Covid 19 dôk mâo dleh dưi ksiêm dlăng./.

Pô mblang: Y-Khem Niê