VOV4.Êđê- Khua Quốc Hội Vương Đình Huệ hruê 28/4 mâo klei mă bruă hŏng êpul kiă kriê dhar bruă klei mrâo mrang, kdrăp mrâo mrang leh anăn wăl hdĭp mda. Khua Quốc Hội Vương Đình Huệ lač, tui hluê klei bhiăn mơ̆ng gưl dlông, Đảng, Quốc Hội srăng dưi mkŏ mjing sa hdră êlan tui hluê hdră mtrŭn mơ̆ng klei bi kƀĭn kluôm 13 mơ̆ng Đảng, phung bruă kđi čar srăng ksiêm dlăng dŭm boh phŭn hlăm wưng tlâo mlan tal 4/2021. Hlăm klei bi kƀĭn tal 11, Quốc Hội gưl 14 dưi ksiêm dlăng leh hdră mtrŭn, hlăm anăn jao kơ Quốc Hội 8 êpul klei mâo čiăng lŏ mđĭ hĭn dŭm bruă ngă mơ̆ng Quốc Hội. Anei jing klei mă bruă tal 10 mơ̆ng êpul gĭt gai Quốc Hội hŏng dŭm anôk bruă Quốc Hội. Dŭm klei dưi mơ̆ng Quốc Hội hlăm 75 thŭn leh êgao leh anăn boh nĭk hlăm wưng păn bruă gưl XIV jing prŏng êdi, khădah, hlăm dŭm klei mă bruă brei ƀuh, ăt lŏ mlih hĭng leh anăn mđĭ hĭn hnơ̆ng, klei yuôm bhăn, boh tŭ dưn mơ̆ng dŭm bruă ngă mơ̆ng Quốc Hội hlăm dŭm hruê mmông ti anăp.

Khua Quốc Hội Vương Đình Huệ mñă kơ dhar bruă tui duah klei mrâo mrang, kdrăp mrâo mrang leh anăn wăl hdĭp mda srăng mkŏ mkra dŭm hră êlan čiăng bi mlih bruă mđĭ hnơ̆ng, boh tŭ dưn hlăm bruă ngă mơ̆ng dhar bruă truh kơ Quốc Hội gưl 15. Hlăm atur mâo leh kơ dŭm bruă mkŏ mkra klei bhiăn, ksiêm dlăng leh anăn bi mklă dŭm bruă yuôm bhăn kơ ala čar.

Pô mblang: Y-Khem Niê