VOV4.Êđê- Tui ngă hdră êlan bi tuôm hŏng phŭng mplĕ hră êlâo kơ klei ruah khua tui hlue klei bhiăn ruah pô bi ala Quốc Hội lehanăn HĐND dŭm gưl, hruê ƀruê 9/5, khua Quốc Hội Vương Đình Huệ mâo leh klei nao bi tuôm hŏng phung mplĕ hră ti kdriêk Vĩnh Bảo, An Lão, ƀuôn prŏng Hải Phòng čiăng bi êdah hdră êlan bruă ngă mơ̆ng pô ti anăp phung mplĕ hră. Hlăm klei bi tuôm anăn, khua Quốc Hội lač, tơdah čiăng mkŏ mkra klei bhiăn ala čar srăng mâo klei mđing hmư̆ boh blŭ mơ̆ng mnuih ƀuôn sang, hdră êlan lehanăn mdră mtrŭn djŏ hŏng ai tiê mnuih ƀuôn sang, tơdah dôk ti adŭ êđăp leh anăn ngă klei bhiăn, hdră mtrŭn amâo srăng djŏ ôh, amâo dưi thâo ôh klei čiăng mơ̆ng mnuih ƀuôn sang, hmư̆ hlăm klei hdĭp mơ̆ng mnuih ƀuôn sang. Kơ bruă mkŏ mkra krĭng ƀuôn sang mrâo, khua Quốc Hội brei thâo, hlăm dŭm hruê mmông ti anăp, srăng bi êdah hnơ̆ng čuăn hlăm wưng thŭn 2021-2025, mĭn tĭng hlăm klei bi kƀĭn tal 2, Quốc Hội gưl 15 bi trông kơ bruă anei, boh nĭk hlăm hnơ̆ng čuăn, bi êdah klei bhiăn mbĭt lehanăn mbha gưl kơ dŭm alŭ wăl srăng tui ngă.

Pô mblang: Y-Khem Niê