VOV4.Êđê -  Tlam hruê 13/4. Khua Quốc Hội Vương Đình Huệ, khua êpul bruă mplĕ hră ruah khua ala čar leh anăn êpul ksiêm dlăng mơ̆ng dhar bruă gĭt gai Quốc Hội, êpul mplĕ hră ruă khua ala čar mâo hruê mă bruă hŏng êpul bruă Đảng, knơ̆ng bruă mplĕ hră ruah khua ti ƀuôn prŏng Hải Phòng. Blŭ hlăm hruê mă bruă, khua Quốc Hội Vương Đình Huệ, khua dhar bruă mplĕ hră ruah khua brei thâo, Hải Phòng jing anôk bruă tal êlâo hĭn hlăm klei ksiêm dlăng. Anei jing alŭ wăl tui ngă djŏ dŭm bruă ngă hlăm bruă mplĕ hră ruah khua čiăng kah mbha klei thâo pô čiăng dưi mâo klei čih yap mbĭt hlăm ala čar. Khua Quốc Hội Vương Đình Huệ mñă, hlăm dŭm hruê mmông ti anăp, ƀuôn prŏng Hải Phòng Srăng hyuă kjăp dŭm klei kñăm, klei čiăng, boh tŭ dưn kơ bruă mplĕ hră ruah khua ti anăp. Ksiêm duah hdră êlan mnuih mă bruă dŭm gưl leh anăn mbha bruă mă kơ dŭm čô mnuih čiăng mâo klei kluôm ênŭm. Êpul mplĕ hră ruah khua ăt mâo mrô đĭng blŭ čiăng mgaih msir dŭm klei ka djŏ čiăng gĭt gai dŭm bruă ngă hlăm bruă mplĕ hră.

Y Khem pô mblang