VOV4.Êđê -  Aguah mbrue (13/4), Khua Quốc hội Vương Đình Huệ, Khua Êpul hgŭm kiă kriê klei ruah khua ala čar mbĭt hŏng êpul ksiêm dlăng mơ̆ng dhar bruă gĭt gai Quốc hội nao ksiêm dlăng bruă prăp êmiêt kơ klei ruah khua phung bi ala Quốc hội gưl 15, phung bi ala HĐND djăp gưl wưng păn bruă 2021 – 2026 ti să Kiến Thiết, lehanăn kdriêk Tiên Lãng, ƀuôn prŏng Hải Phòng. leh ksiêm dlăng, lehanăn hmư̆ klei hâo mdah mơ̆ng puhng khua kiă kriê să Jiến Thiết, kdriêk Tiên Lãng. Khua Quốc hội Vương Đình Huệ, khua êpul hgŭm kiă kriê klei ruah khua ala čar mtă leh kơ êpul kiă kriê klei ruah khua kdriêk, să lŏ dơ̆ng bi mguôp kjăp pioh ngă jăk bruă čuăn pô, ksiêm dlăng bi ênŭm ênoh mnuih nao ruah khua, čiăng ba wĭt klei êngiê kơ jih jang mnuih dưi nao ruah khua. Bruă prăp êmiêt klei ruah khua hŏng klei mbruă, ba klei găl kơ jih jang mnuih mâo nao ruah khua. khua Quốc hội lŏ mtă, êjai boh klei ruă tưp Covid 19 dlông rŏng lăn dleh dưi ksiêm dlăng. Êpul hgŭm klei ruah khua ala čar pral mâo mtrŭn hdră bi ruah khua tơdah klei ruă tưp lŏ bluh đĭ, mkă ti hnơ̆ng mdê mdê, pioh ktrâo atăt kơ djăp alŭ wăl./.

Y Khem pô mblang