VOV4.Êđê - Tlam hruê 13/5, ti Sang bruă Quốc hội, Khua Quốc hội Vương Đình Huệ kkuh drông leh Pô bi ala ala čar Lao ti Việt Nam Sengphet Houngboungnuang. Khua Quốc hội Vương Đình Huệ h’êč hmưi lehanăn bi mni bruă Lao mkŏ mjing leh jăk siam Klei bi kƀĭn tal XI mơ̆ng Đảng Mnuih ƀuôn sang Krŭ kdơ̆ng Lao lehanăn Klei bi kƀĭn tal 1, Quốc hội Lao gưl IX ruah leh phung khua kiă kriê mrâo mâo k’hưm lehanăn klei thâo, tă hdră êlan ngă bruă phŭn, hdră mtrŭn yuôm bhăn kơ wưng păn bruă mrâo.

Khua Quốc hội Vương Đình Huệ mñă klă kơ hdră êlan sa anăn mơ̆ng Việt Nam jing dlăng myuôm lehanăn mđing mrô sa kơ klei bi mjĕ jăk siam, bi hgŭm mguôp lehanăn hgŭm bruă kluôm dhuôm plah wah Việt Nam – Lao. Pô bi ala Lao ti Việt Nam ăt lač jăk kơ Khua Quốc hội Vương Đình Huệ pioh leh mmông tŭ drông, ti gŭ klei gĭt gai, kiă kriê mơ̆ng dua ala čar, klei bi mjĕ jăk siam, hgŭm bruă, bi hgŭm kluôm dhuôm klă sĭt srăng đĭ kyar./.

H Nêč pô mblang