VOV4.Êđê -1- Tlam hruê 12-4, ti Sang Quốc hội mkŏ mjing klei bi kƀĭn tal 5, Êpul hgŭm ruah khua ala čar, Khua Quốc hội Vương Đình Huệ, Khua êpul hgŭm ruah khua ala čar gĭt gai klei bi kƀĭn. Anei jing klei bi kƀĭn tal êlâo leh phung mă bruă hlăm Êpul hgŭm ruah khua ala čar dưi bi leh. Khua Quốc hội Vương Đình Huệ,  Khua êpul hgŭm ruah khua lač, wưng mơ̆ng ară anei truh leh ngă klei ruah khua phung bi ala Quốc hôị gưl 15 leh anăn HĐMD dŭm gưl wưng thŭn 2021-2026 amâo lŏ mâo lu, hnơ̆ng bruă mă mâo lu, hlăm klei bi kƀĭn anei phung hlăm Êpul hgŭm ruah khua hmư̆ klei hâo hưn leh anăn bi trông kơ boh klei pŏk ngă bruă klam mơ̆ng leh klei bi kƀĭn Êpul hgŭm ruah khua ala čar tal 4 truh ară anei, hmư̆ klei hâo hưn bruă mprăp kơ klei bi kƀĭn bi trông tal 3, brei klei blŭ mguôp kơ dŭm bruă p’prŏng brei mđing čiăng lŏ dơ̆ng pŏk ngă hlăm wưng kơ anăp. Khua Quốc hội Vương Đình Huệ mtă, mđĭ ktang hdră hâo hưn mtô mblang kơ klei ruah khua, čiăng kơ hruê ruah khua klă sĭt jing knăm mơak mơ̆ng jih jang yang ƀuôn.

H Zawut pô mblang