VOV4.Êđê - Aguah 11/4, ti čar Nghệ An Khua Quốc Hội Vương Đình Huệ nao hlăm knăm tŭ drông klei bi mklă mơ̆ng phŭn bruă mdrao mgŭn čiăng tŭ yap sang êa drao hgŭm mbĭt Nghệ An jing sang êa drăo knhal tuič kơ klei thâo hlăm bruă mdrao mgŭn ti alŭ wăl krĭng kwar dưl krah. Hŏng klei nao hgŭm mơ̆ng khua phŭn bruă mdrao mgŭn Nguyễn Thành Long leh anăn dŭm čô khua êmua hlăm bruă Đảng, knŭk kna. Blŭ hlăm knăm anăn, khua phŭn bruă mdrao mgŭn Nguyễn Thành Long lač, bruă ba jao klei bi mklă leh anăn jao bruă klam kơ sang êa drao hgŭm mbĭt Nghệ An jing sang êa drao gưl knhal tuič hĭn kơ dŭm klei thâo hlăm klei mdrao mgŭn ti krĭng Dưr kwar krah jing boh tŭ dưn yuôm bhăn čiăng đing truh kơ klei dưi mơ̆ng hdră mtrŭn 26 mơ̆ng phŭng bruă kđi čar leh anăn hdră mtrŭn mơ̆ng klei bi kƀĭn kluôm mơ̆ng Đảng čar Nghệ An tal 19 dưi bi êdah leh. Ƀri wưng anei, khua Quốc Hội Vương Đình Huệ mđup brei leh 2 masin bi êwa jăk kơ sang êa drao hgŭm mbĭt Nghệ An./.

Y Khem pô mblang