VOV4.Êđê -  Hruê mbruê (6/5), khua Quốc Hội Vương Đình Huệ, khua êpul ruah khua ala čar hrăm mbĭt hŏng êpul bruă ksiêm dlăng mơ̆ng êpul kiă kriê bruă Quốc Hội, êpul bruă ruah khua ala čar mâo leh klei mă bruă hŏng čar Tuyên Quang. Blŭ hlăm klei mă bruă anăn, khua Quốc Hội Vương Đình Huệ mñă klă, bruă kñăm ti anăp jing dưi mkŏ mjing bruă ruah khua, dưi bi êdah klei ngă phŭn mơ̆ng mnuih ƀuôn sang, klei dưi ruah khua mơ̆ng mnuih ƀuôn sang.

Khua Quốc Hội Vương Đình Huệ mtă kơ čar Tuyên Quang srăng kñăm hĭn hlăm bruă klam 2 bruă sa blư̆ jing gang mkhư̆ klei ruă tưp Covid-19 mâo boh tŭ dưn tui hluê asăp mtrŭn mơ̆ng êpul bruă Đảng, dŭm klei tă êlan mơ̆ng knŭk kna, khua knŭk kna, êpul gĭt gai gưl dlông kơ bruă gang mkhư̆ klei ruă tưp Covid-19 lehanăn amâo wơr ôh bruă mkŏ mkra, mđĭ kyar bruă duh mkra, ala ƀuôn, răng mgang klei êđăp ênang ala čar, răng kriê dŭm bruă hlăm yang ƀuôn lehanăn mprăp kơ bruă ruah khua.

H Zawut pô mblang