VOV4.Êđê -   Tlam hruê 6/5, Đỗ Văn Chiến, Khua hlăm êpul bruă Đảng gưl dlông, Khua Dhar bruă mặt trận čar kwar gưl dlông Việt Nam, K’iăng Khua êpul hgŭm ruah khua ala čar mă leh bruă hŏng čar Bà Rịa-Vũng Tàu kơ bruă mprăp ruah khua bi ala Quốc hội gưl XV lehanăn phung bi ala HĐND dŭm gưl wưng thŭn 2021-2026. Kluôm čar Bà Riạ - Vũng Tàu mkŏ mjing leh 814 êpul ruah khua ti 814 alŭ wăl mplĕ hră. Leh klei bi kƀĭn bi trông tal 3, anăn klă sĭt phung mgơ̆ng asei phung bi ala Quốc hội gưl XV mâo 10 čô, 85 čô mgơ̆ng asei phung bi ala HĐND čar, 430 čô mgơ̆ng asei phung bi ala HĐND gưl kdriêk, 3.468 čô mgơ̆ng asei phung bi ala HĐND gưl să. Đỗ Văn Chiến bi mni kơ bruă mprăp ruah khua ti čar Bà Rịa -Vũng Tàu; mbĭt anăn brei čar mđing kơ bruă rơ̆ng klei êđăp ênang, đăm lui ôh mâo klei amâo jăk êlâo, hlăm lehanăn leh klei ruah khua.

H Zawut pô mblang