VOV4.Êđê- Tlam mbruê (4/5), Đại tướng Đỗ Bá Tỵ, K’iăng khua gĭt gai Quốc Hội, khua hlăm bruă čuăn ruah khua ala čar, khua êpul răng mgang klei êđăp ênang lehanăn bruă mdrao mgŭn mâo leh hruê ksiêm dlăng lehanăn mă bruă hŏng dhar bruă ruah khua čar Bình Định. Truh kơ ară anei, dhar bruă ruah khua čar Bình Định dưi mkŏ mjing leh 3 anôk bruă ruah pô bi ala Quốc Hội, 19 anôk bruă bruă pô bi ala HĐND čar, 10 anôk bruă čuăn ruah HĐND gưl kdriêk, wăl krah, ƀuôn prŏng lehanăn giăm 1.200 anôk bruă čuăn ruah pô bi ala HĐND gưl să, ƀuôn hgŭm. Truh kơ ară anei, čar Bình Định ka mâo ôh mnuih djŏ klei ruă tưp Covid-19, ƀiădah hlăm čar, knơ̆ng bruă mdrao mgŭn mâo leh dŭm hdră êlan čiăng gang mkhư̆ klei ruă tưp Covid-19, K’iăng khua gĭt gai Quốc Hội Đỗ Bá Tỵ mñă klă, mơ̆ng hruê anei truh kơ mmông ngă klei ruă khua, dhar bruă ruah khua čar Bình Định srăng lŏ mđĭ lar bruă hâo hưn hŏng lu hdră êlan. Knơ̆ng bruă mdrao mgŭn čar Bình Định ăt mâo hdră êlan čiăng bi mdrơ̆ng hŏng klei ruă tưp Covid-19 tơdah tăp mâo ti alŭ wăl, rơ̆ng kơ klei ruah khua dưi mâo klei êđăp ênang lehanăn klei dưi jăk   siam, mkiêt mkuôm.

Pô mblang: Y-Khem Niê