VOV4.Êđê- Aguah hruê 16/3, K’iăng khua knŭk kna, Khua phŭn bruă hŏng tač êngao Phạm Bình Minh bi trông hŏng Khua phŭn bruă hŏng tač êngao Cuba Bruno Rodriguez Parrilla čiăng bi trông kơ hdră êlan, hdră lŏ mđĭ hĭn klei bi mjĕ hgŭm bruă jăk siam plah wah dua ala čar. Ti anôk bi trông, K’iăng khua knŭk kna, Khua phŭn bruă hŏng tač êngao Phạm Bình Minh mñă klă klei mĭn mŏng Việt Nam jing hgŭm mguôp lehanăn sa ai nanao hŏng Cuba. Khua phŭn bruă Bờ-ru-nô lač Cuba bi myuôm lehanăn čang hmăng lŏ bi êlam hĭn klei bi mjĕ jăk siam mâo mơ̆ng đưm lehanăn kluôm dhuôm hŏng Việt Nam, bi mni dŭm klei gĭr mơ̆ng Việt Nam hlăm hdră mdrơ̆ng hŏng klei ruă Covid 19, mbĭt anăn krơ̆ng kjăp hdră mđĭ kyar bruă duh mkra. Duah khua phŭn bruă hŏng tač êngao mñă klă klei gĭr pŏk hluê ngă dŭm klei ƀuăn kñăm hyuă kjăp hĭn klei bi hgŭm mguôp, jăk siam lehanăn kluôm dhuôm plah wah Việt Nam – Cuba, pŏk ngă tŭ dưn hdră bi kƀĭn dua nah hlăm thŭn 2021./.

Pô mblang: Y-Khem Niê