VOV4.Êđê - Ƀri bi hdơr hrue knhuah gru bruă Đảng êngao ala čar (31/3), aguah mbrue (30/3) Phŭn bruă hŏng tač êngao mkŏ mjing leh klei bi tuôm hluê knhuah gru “60 thŭn – sa êwang êlan kdrăm k’ah bruă Đảng êngao ala čar” lehanăn bi trông “Mđĭ hĭn klei tŭ dưn bruă Đảng êngao ala čar hlăm wwưng ênuk ară anei”. Khua phŭn bruă hŏng tač êngao Phạm Bình Minh, nao lehanăn blŭ hrăm gai gĭt klei bi kƀĭn.

Ti anôk bi trông, Khua phŭn bruă hŏng tač êngao mtă kơ dŭm gưl bruă Đảng hlăm ala čar lehanăn ti ala tač êngao mâo bruă klam lu hĭn, ngă bruă hŏng klei jăk, hlăm ai tiê čŏng čiăng, mjuăt mjing knuă druh đảng viên dưi găn jih djăp mta klei lông dlăng, mkŏ mjing êpul knuă druh đảng viên ti ala tač êngao ƀrư̆ hrue ƀrư̆ kjăp, ngă bruă mkŏ mjing Đảng mbĭt hŏn bruă kđi čar, lehanăn mâo klei thâo uêñ klam hĭn, mâo klei bi mguôp prŏng, hgŭm hlăm dŭm gưl bruă Đảng, dhar bruă alŭ wăl hŏng bruă Đảng êngao ala čar./.

Y Khem pô mblang