VOV4.Êđê- Tlam hruê 9-4, Khua bruă Đảng gưl dlông - K’iăng Khua knŭk kna Lê Minh Khái mbĭt hŏng phung bi ala Quốc hội hlăm Êpul bi ala quốc hội čar Bạc Liêu mâo mmông bi tuôm hŏng phung bi ala kơ mnuih ƀuôn sang čar Bạc Liêu leh klei bi kƀĭn tal 11, Quốc hội gưl XIV. Êpul hưn mdah leh hŏng phung bi ala kơ mnuih ƀuôn sang kơ klei tŭ klei bi kƀĭn tal 11, Quốc hôị gưl XIV leh anăn klei tŭ ngă bruă mơ̆ng Êpul bi ala Quốc hội čar Bạc Liêu gưl XIV, wưng thŭn 2016- 2021. Phung bi ala kơ mnuih ƀuôn sang čar Bạc Liêu bi mni kơ mta phŭn klei bi kbĭn tal 11 leh anăn bruă ngă mơ̆ng phung bi ala Quốc hội čar Bạc Liêu hlăm wưng êgao.

Phung bi ala ăt akâo dŭm bruă hŏng Êpul bi ala Quốc hội čar msĕ si:  Ară anei, khua dlăng bruă đảng hlŏng ngă khua alŭ ngă bruă dleh dlan kyua ngă lu đei bruă, prăk mkan đru kơ knuă druh nah gŭ ară anei ƀiă đei brei ksiêm dlăng bi mđĭ. Blŭ hrăm hlăm mmông bi tuôm, K’iăng Khua knŭk kna Lê Minh Khái bi êdah klei bi mni hŏng Khua gĭt gai bruă đảng, HĐND, Knơ̆ng bruă sang čư̆ êa čar, dŭm bruă leh anăn phung bi ala čar Bạc Liêu đaŏ knang đru kơ Êpul bi ala kơ mnuih ƀuôn sang čar bi leh bruă klam wưng gưl XIV leh anăn bi mklă dŭm klei akâo mơ̆ng phung bi ala kơ mnuih ƀuôn sang.

Pô mblang: H’Zawut Ƀuôn Yă