VOV4.Êđê -  Hruê mbruê 30-3, ti Anôk bruă Knŭk kna, K’iăng Khua Knŭk kna, Khau phŭn bruă hŏng tač êngao Phạm Bình Minh mâo leh klei bi trông trực tuyến hŏng John Kerry, pô bi ala mơ̆ng Khua mil čhil Mi kơ klei bi mlih yan adiê. Dua tĭng bi tŭ ư lač kơ klei bi hgŭm kluôm ênŭm Việt Nam - Mi lŏ dơ̆ng mđĭ kyar ktang phĭt hlăm jih jang bruă, ba klei tŭ klă sĭt kơ mnuih ƀuôn sang dua ala čar.

K’iăng Khua knŭk kna, Khua Phŭn bruă hŏng tač êngao Phạm Bình Minh bi mni kơ bruă Knŭk kna Khua mil čhil Joe Biden mđĭ ktang klei ƀuăn rơ̆ng leh anăn mđĭ dŭm klei gĭr ktưn kluôm rŏng lăn kñăm mdrơ̆ng hŏng klei bi mlih yan adiê, hlăm anăn mâo bruă Mi lŏ mŭt hlăm Klei kuôl kă Paris kơ klei bi mlih yan adiê. K’iăng Khua knŭk kna bi mklă, jing sa hlăm dŭm ala čar hmaĭ kjham hĭn mơ̆ng klei bi mlih yan adiê, hŏng hdră mtrŭn ktang phĭt leh anăn gĭr jih ai tiê, Việt Nam ngă, hlăk ngă leh anăn srăng nao ai ƀuăn rơ̆ng hŏng lu ala čar leh anăn bi hgŭm tliêr kjăp hŏng dŭm ala čar čiăng msir mgaih dŭm klei lông dlăng kơ klei bi mlih yan adiê, hlăm anăn mâo bruă hyuă kjăp klei bi hgŭm hŏng Mi.

H Zawut pô mblang