VOV4.Êđê -   K’iăng khua knŭk kna Trương Hòa Bình mbĭt hŏng êpul ngă bruă mŏng Knŭk kna mrâo nao ksiêm dlăng hdră gang mkhư̆, mdrơ̆ng hŏng klei ruă Covid 19 ti alŭ wăl čar Đồng Tháp. Blŭ hrăm ti anôk mă bruă, K’iăng khua knŭk kna Trương Hoà Bình mtă, Đồng Tháp jing čar mâo êlan knông lăn siă hŏng Campuchia, klei kpĭ hlăm bruă mŭt kbiă soh hŏng hdră bhiăn lehanăn klei huĭ bluh mâo kman klei ruă tưp hlăm čar jing prŏng snăk.

K’iăng khua knŭk kna mtă kơ čar Đồng Tháp kƀĭn hluê ngă kjăp klei gĭt gai mŏng Anôk kriê dlăng bruă Đảng, Khua knŭk kna, hdră êlan 5 áăp mtă +vaccine, mtô mblang mđĭ klei thâo săng mŏng mnuih ƀuôn sang, msir mghaih ktang phung ngă soh hŏng hdră bhiăn gang mkhư̆, mdrơ̆ng hŏng klei ruă; boh nik jing klei mŭt kbiă hlăm ala čar soh hŏng hdră bhiăn. Khut khat amâo dưi ngă ngơi, amâo mđing răng hlăm hdră gang mkhư̆ klei ruă tưp, pŏk ngă jăk hdră msir gang mkhư̆ klei ruă tưp, boh nik hlăm knăm m’ak hruê 30/4 lehanăn 1/5 ăt msĕ mơh mprăp kơ hruê ruah khua ti anăp./.

H Nêč pô mblang