VOV4.Êđê -  Aguah hruê 30/3, ti Hà Nôị, mkŏ mjing Klei bi kƀĭn Êpul hgŭm phung mniê mă bruă duh mkra Việt Nam tal 2. K’iăng khua knŭk kna Trương Hòa Bình nao lehanăn blŭ hrăm gĭt gai Klei bi kƀĭn. Hluê si klei ksiêm yap ară anei, ti Việt Nam mâo êbeh 30% phung mniê nao hgŭm kiă kriê dŭm anôk bruă duh mkra lehanăn anei jing ênoh amâo djŏ ƀiă ôh. Blŭ hrăm ti knăm anei, K’iăng khua knŭk kna Trương Hòa Bình mtă, Êpul hgŭm lehanăn phung mniê mă bruă duh mkra brei mđĭ hdră mtô mblang, mtrŭt mjhar anôk bruă duh mkra lehanăn phung mniê mă bruă duh mkra brei ngă bruă djŏ hdră bhiăn, hluê ngă kjăp hdră bhiăn mtrŭn, bruă klam hŏng knŭk kna lehanăn rơ̆ng kjăp klei tŭ dưi mơ̆ng mnuih mă bruă, duh mkra pla mjing, mnia mblei anăp mđing truh kơ hdră mđĭ kyar h’ĭt kjăp lehanăn mkŏ mjing k’hưm phung mniê mă bruă duh mkra jiă knhuah anak mnuih Việt Nam./.

H Nêč pô mblang